🇭🇰
朋友說：「希望有一日唔洗再打online game嘅時候，可以見到你出埋克羅地亞驚險記錄篇嘅續集。」
這一段就好似最近常看到的話，「希望到真正光復香港果刻，所有手足可以除帽除口罩見下個樣，攬下大家」。每次睇到大家咁樣講，我都會獨自流淚，想像那夜在干諾道中聚守的我們，空氣或瀰漫著血汗，但喜極而泣的畫面可以感動一輩子。
嗯，我應承你。
朋友話最近有人講香港人可以爭取民主，係因為我哋太幸福。如果係馬斯洛嘅需求層次理論金字塔入面，廢老同藍絲嘅位置可能係滿足到生理需求，證據係佢哋成日講自己搵錢、搵兩餐有幾重要，亦以自己食鹽多過你食米為傲，壓迫年輕人。頂多比佢哋去到安全需求，但講真係有矛盾，因為佢哋眼中示威者係暴徒搞亂香港打碎三塊玻璃，但佢哋縱容黑社會同警察何匪勾結。
而我哋嘅位置係自我實現，馬斯洛認為「對是非之爭辯，要自己認清真理正義之所在，縱使違反眾議，也應挺身而出，站在正義的一邊，堅持到底」。如果香港人只求三餐溫飽，我哋就同大陸人無分別，一味講經濟發展，大陸係經濟強國乜乜乜。
我哋依家做嘅僅僅係守護翻本來屬於香港嘅所謂嘢。
然後我睇緊《教束》，每句話都同我講緊依家嘅社會，濫權操控、白色恐怖、官黑勾結、幕後黑手等等等。香港人要面對嘅嘢實在太多。
光復香港的責任，由我們這一代扛下。
726 機場和你飛最後後召集
727 元朗行街食老婆餅輕鬆下
728 光復上環
#光復香港 #時代革命
Search